Paperezko besokorik hoberena

Hemen daukazue material eskuragarriekin egin dezakezuen besoko ikusgarria egiteko argibideak.

Materiala
Papera (koloretakoa, zuek koloreztatukoa, nahi duzuena)
Zelo pixka bat

Tresnak
Artaziak
Arkatza
Erregela

Pausuak

1. Hasteko papera moztuko dugu 12×3 zentimetroko zatietan. Beste tamainak froga ditzakezue, baina beti 4:1 erlazioa zaintzen.
2. Orain paper zati guztiak toleztu behar ditugu. Lehenengo horizontalki erditan, eta gero bertikalki erditan.
3. Pieza guztiak tolestuta ditugunean (besokoa egiteko 18 erabili beharko ditugu, painoletako orratza egiteko, 8) muntaketa egingo dugu.
   1. Sartu pieza bat beste baten barruan
   2. Barruko piezaren amaieran, tolestu izkinatik barrura angelu zuzena lortzeko
   3. Tolestu barrura beste piezaren gainean jartzeko.
   4. Errepikatu beste amaierarekin.
   5. Erabili zelo pixka bat tolesketa hauek ez mugitzeko.
   6. Sartu pieza berri bat aurreko begiaren barrutik
   7. Errepikatu aurreko tolesketak pieza berriaren bi amaieretan
   8. Sartu pieza berriaren amaierak lehenengo piezarekin egindako ‘poltsikoan’
   9. Egin berdina beste aldean
   10. Sartu pieza berri bat sortutako begian eta errepikatu prozesua papertxo guztiak erabili arte
   11. Besokoa ixteko, sartu azkenengo piezaren amaierak lehenengo piezaren begian
   12. Egin beste piezetan egindako tolesketa berdinak eta sartu amaierak poltsikoeta
4. Eta badaukagu besoko original eta ikusgarri bat. Saiatu hainbat neurri eta materialekin eta partekatu zuen argazkiak sare sozialetan!